دخلت ام احمد على جارتها ام سامر وشافتها كاعدة اتلف دولمة ...سالت اشو اليوم من وكت دة تسوين غده ...... ردت عليها ...... والله اليوم سامر راح يجي وانتي اتعرفين صار ست سنوات هو خارج العراق و اول ماخابرني كال ... اريد اكل دولمة من ايدج صار هوايه ما ماكلها .......د خلي اساعدج عيني ... شعنده غيره سامر.
بدأت الاثنين بلف الدولمه وبدأت السوالف ..........
خية تدرين ؟؟... ابني احمد من راجع من الشغل قاري قطعة يم السدة ...كاتبين عليها انو السيد جاسم الطويرجاوي راح يجي للكوت ينطي محاضرات هنا .. والله هلا بيه .. خوش خبر اريد اكله لابواحمد ياخذني وياه .. اكو مكان للنسوان مو؟ ......... والله خوش خبر ..اكيد اكو مكان للنسوان ........لعد احنه وحد؟؟
وسمعت ...يقولون ماجد ياسين ابو حنج وجماعته هم جايين للكوت ... يردون يعرضون مسرحية هنا .........وحاطين صورة الهم على حايط الادارة المحلية كاتبين بيها اسم المسرحيه والممثلين والوقت الي يعرضوهه بيه .......
ام سامر دمعت عيونها .... ها خيه شبيج.......... هو راد يجي من ذاك اليوم من صار المؤتمر الطبي بالكوت بس ماصار عنده مجال .........هو كان واحد من المدعوين للموتمر ..... يالله الحمد لله على السلامه هو راح يجي ... وبعد ميرجع .. انشاء الله يخدم الكوت واهلها ..وانشاء الله ميصير مثل الاطباء الباقيين بس يدورون مصلحتهم .. لعد الفقير منو اله ياعيني.. ّ!!!
موضوع: اخبار الكوت ..قريبا من جدر الدولمة 